Connect with us

Politics

i Burundi: Hafi y’isoko rya Bujumbura hatewe Gerenade zihitana abantu 2 abandi barakomereka

Mu Burundi, mu ijoro ryo uyu wa kabiri muri gare imwe itegerwamo imodoka zitwara abagenzi n’ibintu mu murwa mukuru w’ubukungu Bujumbura, hatewe ama gerenade.

Amakuru yakwirakwijwe ku mbuga nkoranyambaga nyinshi ni uko abantu batari bake bakomeretse bajyanwa mu bitaro bitandukanye ndetse abandi 2 bahasize ubuzima.

Ku rubuga rwa Twitter,Minisiteri y’ubutegetsi bw’igihugu n’umutekano mu Burundi yemeje ko ibi bitero ari iby’iterabwoba ndetse ko abantu babiri ari bo bamaze gupfa.

Ikindi gitero cyagabwe ahitwa “Plazza”, mu Burengerazuba bw’isoko ryahoze ari irya Bujumbura, hafi y’ahacururizwa imboga.

Ibi bitero byombi ngo byakomerekeyemo benshi nk’uko ababibonye babitangaje.

Umwe ngo yaguye mu gitero cyo hagati mu mujyi,undi nawe apfa amaze kujyanwa kwa muganga.

Iyi Minisiteri yanemeje amakuru y’abaturage avuga ko abantu benshi bakomeretse.

Ibi bitero bibaye mu gihe muri uyu mujyi hari habera inama ya 51 yiga ku mutekano mu karere ka Afurika yo hagati.

Mu itangazo ishyaka riri ku butegetsi CNDD-FDD rysohoye, ryamaganye abateye za Grenade zigahitana abantu babiri abandi bagakomereka.

Iri shyaka ryasabye ko inzego zibishinzwe zakora iperereza kugira ngo abo bicanyi bafatwe, bagezwe imbere y’ubutabera bakanirwe urubakwiriye.

Ishyaka CNDD-FDD ryasabye Abarundi bose gukomera, bakongera gufatana mu mugongo ari nako wihanganisha imiryango yahaburiye ababo,wifuriza no gukira vuba abakomeretse.


Written by Mugwiza Provy

Click to comment

Leave a Reply

Your email address will not be published. Required fields are marked *

More in Politics