Connect with us

Sports

Ikipe ya Zamarek SC ya Misiri niyo yakoreye amateka muri Kigali Arena

Ikipe ya Zamalek SC yo mu Misiri yabaye iya mbere itwaye igikombe cya Basketball Africa league itsinze ku mukino wa nyuma ikipe ya US Monastir yo muri Tunisia amanota 76-63.

Zamalek yari ku rwego rwo hejuru mu bwugarizi,yamize ubusatirizi bwa US Monastir iyitsinda iyirusha cyane mu gace ka kane k’umukino nyuma y’aho mu duce twabanje rwari rwabuze gica,bituma yegukana iri rushanwa ryari rikinwe ku nshuro ya mbere.

Agace ka mbere karangiye US Monastir iri imbere n’amanota 22-17,agace ka kabiri Zamalek yagatsinze ku manota 27-20 ndetse igice cya mbere cyose kirangira Zamalek itsinze 44-42.

Mu gace ka 3,Zamalek yatsinze 11-9 ya US Monastir hanyuma mu gace ka Kane,iyi kipe yo mu Misiri ishimangira itsinzi kuko yagatsinze ku manota 22-12.Umukino wose warangiye Zamalek yigaragaje ku manota 76 kuri 63.

Umukinnyi wa Zamalek witwa Walter Wallace Hodge niwe watowe nk’umukinnyi w’irushanwa [MVP].

Perezida Kagame na Madamu Jeannette Kagame, bitabiriye uyu mukino wa nyuma wa BAL 2021 waberaga muri Kigali Arena,Zamalek yatsinze US Monastir.

Patriots BBC yari iharagarariye u Rwanda mu irushanwa rya Basketball Africa League risozwa kuri iki Cyumweru muri Kigali Arena, yabaye iya kane nyuma yo gutsindwa na Petro de Luanda yo muri Angola amanota 97-68 mu mukino wo guhatanira umwanya wa gatatu.


Written by Mugwiza Provy

Click to comment

Leave a Reply

Your email address will not be published. Required fields are marked *

More in Sports