Connect with us

Sports

Yves Rwasamamzi utoza Marine Fc yavuze impamvu yaruhukije abakinnyi benshi byatumye anyagirwa na Apr.

Umutoza wa Marines FC, Yves Rwasamanzi avuga ko impamvu yanyagiwe na APR FC ibitego 6-0, ari uko yari yaruhukije abakinnyi yitegura umukino wo kuwa Kabiri usoza shampiyona yuyu mwaka.


APR FC k’umunsi w’ejo hashize yari yakiriye Marines FC mu mukino w’umunsi wa 6 wa shampiyona mu cyiciro cy’amakipe ahatanira igikombe, ukaba warabereye i Huye yaje kuyinyagira ibitego 6-0, ni umukino wavugishije benshi ku mbuga nkoranyambaga aho bamwe bavugaga ko iyi kipe ya Marines FC ishobora kuba yatanze amanota k’ubushake.


Nyuma y’uyu mukino, umutoza Yves Rwasamanzi utoza Marines FC, yavuze ko byatewe n’uko hari abakinnyi yari yaruhukije bitewe n’uko bari bakinnye imikino yegeranye bityo akaba yabateguriraga umukino wo ku wa Kabiri usoza shampiyona.


Ati”Shampiyona yari igoye cyane kuko twakinnye imikino myinshi tutaruhuka, twakinnye imikino ibiri ishize ikomeye twahuyemo na Rayon Sports ndetse na AS Kigali, byari ngombwa ko turuhutsa abakinnyi bamwe, dushyiramo abakinnyi bashya bageze aho bararuha kubera kudakina kenshi, ariko nta kundi twagombaga kubagerageza nabo bagakina kuko dufite undi mukino ku wa Kabiri, ntabwo twari gukoresha bamwe ku mikino yose.”


Uyu mutoza kandi akaba yahamije ko imvune y’umunyezamu we Ntwari Fiacre na kapiteni we Ndayishimiye Thierry batasoje umukino ari kimwe mu byabakozeho ikipe ye ya Marines izasoza shampiyona yakira ikipe ya Bugesera FC i Rubavu kuri Stade Umuganda.

1 Comment

1 Comment

  1. Eric

    June 22, 2021 at 3:26 am

    Barabuzwa niki kubona ibitego bitandatu se
    Ubundi nigute ikipe ebyiri zifite umuterankunga umwe
    Zikina mukiciro kimwe??
    Muteteri komerezaho gusa baba bakwica mu mutwe

Leave a Reply

Your email address will not be published. Required fields are marked *

More in Sports