Connect with us

Breaking

U Rwanda nyuma yo kunyagirwa na Kenya bwabuze itike ya Afrobasket mu bagore 2021.

Ikipe y’Igihugu y’Abagore mu mukino wa Basketball, yabuze itike yo gukina Igikombe cya Afurika kizabera muri Cameroun muri Nzeri uyu mwaka, ni nyuma y’uko yatsinzwe n’iya Kenya amanota 79-52 muri ½ cyakinwe kuri uyu wa Gatanu muri Kigali Arena.

Bitandukanye n’umukino wahuje ibihugu byombi ku wa Mbere, watsinzwe n’u Rwanda, kuri uyu wa Gatanu ho Abanyakenyakazi bagaragaje urwego ruri hejuru kurusha urw’Abanyarwandakazi.

Kenya yatsinze uduce dutatu tubanza kuri 25-11, 17-12 na 26-14 mu gihe ikipe y’u Rwanda yatsinze agace ka nyuma ku manota 15-11, umukino urangira harimo ikinyuranyo cy’amanota 27 (79-52).

Kapiteni w’u Rwanda, Tierra Monay Henderson, yatsinze amanota 22 muri uyu mukino mu gihe Melissa Akinyi Otieno wa Kenya, we yatsinzemo 21.

Kenya yaragaje u rwego ruri hejuru.

Gutsindwa uyu mukino bivuze ko u Rwanda rwabuze itike y’Igikombe cya Afurika ‘Afrobasket 2021’ kizabera muri Cameroun hagati ya tariki ya 17 na 26 Nzeri kuko ikipe imwe ari yo izahagararira Zone V.

U Rwanda ruzahatanira umwanya wa gatatu na Sudani y’Epfo ku wa Gatandatu saa cyenda, yo yatsinzwe na Misiri amanota 99-65 mu wundi mukino wa ½.

Ikipe izahagararira Zone V muri Afrobasket 2021 izava hagati ya Misiri na Kenya, byombi bizahurira ku mukino wa nyuma uzatangira saa kumi n’ebyiri muri Kigali Arena.

Cameroun yabonye itike nk’igihugu kizakira irushanwa mu gihe ibindi bihugu byamaze kumenyekana ari ibyaje mu myanya ya mbere muri Afrobasket iheruka, ari byo Nigeria, Sénégal, Mali na Mozambique kongera Cap-Vert yabonye itike muri Zone II.

Andi makipe atandatu asigaye azava mu zindi zone eshanu zigize Impuzamashyirahamwe ya Basketball muri Afurika mu gihe kandi igihugu cya 12 kizahabwa ubutumire (wild card).

Click to comment

Leave a Reply

Your email address will not be published. Required fields are marked *

More in Breaking