Connect with us

Sports

Emery yatwaye igikombe, Mangwende atangira neza, abakinnyi babanyarwanda bakina hanze bitwaye ute?

Amakipe akinamo abanyarwanda hanze yarwo, amwe yasoje impera z’icyumweru mu byishimo bidasanzwe aho nka Tusker FC ya Emery Mvuyekure yegukanye igikombe cya shampiyona, ariko ntibyagenze neza kuri Rwatubyaye Abdul na Rafael York kuko amakipe yabo yanyagiwe.

Shampiyona ya Kenya yasojwe ku munsi wo ku Cyumweru(ejo hashize), igikombe cyegukanywe na Tusker FC y’umunyezamu Emery Mvuyekure, ni nyuma yo gutsinda Bidco United ibitego 2-1.

Kuri uyu munsi wa nyuma w’iyi shampiyona, Bandari FC ya Cassa Mbungo Andre yatsinze Wazito 2-0 bituma isoza ku mwanya wa 3.

Tusker ya Emery Mvuyekure witegura kwitabira ubutumire bw’Amavubi, niyo yegukanye igikombe n’amanota 65, KCB yabaye iya 2 n’amanota 62 ni mu gihe Bandari FC yabaye iya 3 n’amanota 53.

Emery Mvuyekure ya Tusker begukanye shampiyona ya KenyaCasa Mbungo yasoje shampiyona ku mwanya wa 3

FAR Rabat ya Imanishimwe Emmanuel Mangwende, ku wa Gatandatu tariki ya 21 Kanama 2021 yari yakinnye umukino wa gicuti na Simba SC ya Meddie Kagere utarakoreshejwe kuri uyu mukino.

Umukino warangiye amakipe yombi anganyije 2-2. Mangwende akaba yari yabanjemo ndetse yaranatanze umupira wavuyemo igitego cya 2 cya FAR Rabat.Mangwende yatangiye neza muri FAR Rabat

Ntabwo icyumweru cyagendekeye neza Rwatubyaye Abdul na FC Shkupi muri Macedonia kuko banyagiwe na Struga 4-2 mu mukino w’umunsi wa 4 wa shampiyona. Rwatubyaye yari yabanje mu kibuga. Iyi kipe yahise ifata umwanya wa 4 n’amanota 7 mu gihe Akademija Pandev ya mbere ifite 10.Umunsi wo ku Cyumweru ntiwagendekeye neza Rwatubaye Abdul

Mu cyiciro cya 2 mu Bubiligi, nabo shampiyona yari yakomeje bakina umunsi wa 2, nyuma y’uko KMSK Deinze ya Bizimana Djihad yari yatangiye inganya, ejo hashize ku Cyumweru tariki ya 22 Kanama 2021, wari umunsi wo kwihorera, batsinze Waasland Beveren Bizimana yahoze akinira 2-0, ni umukino Bizimana yabanjemo aho yanahawe ikarita y’umuhondo k’umunota wa 17, yaje gusimburwa na Lecomte k’umunota wa 66, iyi kipe niyo iyoboye urutonde n’amanota 4.

k’umunota wa 66, iyi kipe niyo iyoboye urutonde n’amanota 4.Bizimana Djihad yabanje mu kibuga bakina n’ikipe yahozemo

Muri Sweden shampiyona yari yakomeje mu cyiciro cya gatatu, ku wa Gatandatu tariki ya 21 Kanama, Yannick Mukunzi yakinnye imikino 90 umukino wa shampiyona w’umunsi wa 17 ikipe ye yanganyijemo na Umeå FC 1-1. Iyi kipe iri ku mwanya wa 2 n’amanota 39, Brommapojkarna ya mbere ifite 45.Yannick na Sandvikens IF bacyuye inota rimwe

Mu cyiciro cya kabiri muri Sweden, AFC Eskilstuna ya Rafael York yahuye n’uruva gusenya ku munsi w’ejo hashize ku Cyumweru tariki ya 22 Kanama, yatsinzwe na GIF Sundsvall 3-1 aho York yavuye mu kibuga ku munota wa 60 asimbuwe na Linnér hari mu mukino w’umunsi wa 17. Iyi kipe iri ku mwanya wa 8 n’amanota 22, Värnamo ya mbere ifite 33.

Click to comment

Leave a Reply

Your email address will not be published. Required fields are marked *

More in Sports