Connect with us

Entertainments

Jay Polly yishwe n’iki nyirizina?

Urwego rw’Igihugu Rushinzwe Imfungwa n’Abagororwa RCS rwatangaje ko amakuru y’ibanze agaragaza ko urupfu rw’Umuhanzi Tuyishime Joshua wari uzwi nka Jay Polly rwaba rwaturutse ku ruvange rw’ibirimo alcool yaba yanyoye hamwe na bamwe mu bagororwa bari bafunganye.

Itangazo ry’Urwego rw’Igihugu rushinzwe Imfungwa n’Abagororwa ryasohotse kuri uyu wa Kane tariki 02 Nzeri 2021, ryemeje urupfu rw’Umuhanzi Jay Polly.

Iri tangazo rivuga ko Jay Polly wari ufungiye muri Gereza ya Nyarugenge, yaraye ajyanywe mu ivuriro ry’iyo gereza ahagana saa kumi n’ebyiri z’umugoroba (18:00’) nyuma yo kugaragaza ko arembye.

Nyuma yo gukomerezwa, hafashwe icyemezo cyo kumujyana ku bitaro bya Muhima agakomeza kwatabwaho n’abaganga ariko mu gitondo cyo kuri uyu wa Kane tariki 02 Nzeri 2021 saa kumi n’igice za mugitondo (04:30’) ari bwo yitabye Imana.

Iri tangazo rikomeza rivuga ko amakuru y’ibanze yemeza ko Jay Polly na bagenzi be babiri ari bo “Harerimana Gilbert na Iyamuremye Jean Clement basangiye uruvande rwa Alcool yifashishwa n’imfungwa biyogoshesha, amazi n’isukari , byavanzwe na bo ubwabo.”

Iri tangazo rivuga ko ku bufatanye bwa RCS na Rwanda Forensic Laboratory batangiye iperereza ryimbitse kugira ngo hamenyekane icyateye ruriya rupfu.

Itanzangazo rya RCS ritanga amwe mu makuru y’urupfu rwa Jay Polly

Click to comment

Leave a Reply

Your email address will not be published. Required fields are marked *

More in Entertainments