Connect with us

Entertainments

Ariel ways yakoze igikorwa gikomeye murwego rwo gukumira uburakari yagiriye Juno kizigenza

Nyuma yo gutwarwa n’amarangamutima agashyira hanze ibiganiro yagiranye Juno Kizigenza ku karubanda, umuhanzikazi Ariel Ways yahisemo imbuga nkoranyambaga ze kuzishyira mu maboko yabashinzwe kureberera inyungu ze.

Ku gicamunsi cy’ejo ku wa Gatatu, umuhanzikazi Ariel Ways yatunguye benshi ubwo yashyiraga hanze ibiganiro yagiranye na juno kizigenza bahoze bakunda bigaragara ko yamushinjaga kumuca inyuma, amubeshya ko yagiye gusangira iminsi mikuru n’umuryango we i Nyamata kumbe ari kumwe w’uwahoze ari umukunzi we barya ubuzima ku Gisenyi.

Ni ibiganiro yashyize hanze nyuma yo kugaragaza ko atanishimiye igikorwa Juno yakoze ajya Live kuri Instagram agatanga nimero y’uyu mukobwa bose babyumva. Ibi byose byabaye nyuma y’iminsi mike bivuzwe ko bashwanye.

Ariel Ways yo gushyiraho ubu butumwa akaba yongeye kwandika kuri Twitter ko ubu imbuga nkoranyambaga ze zigiye kujya zikoreshwa ndetse zinagenzurwe n’abamureberera inyungu (management), bakaba bahise banasiba ibyo yanditse byose ku munsi w’ejo hashize.

Ati “guhera nonaha kugeza hasohotse irindi tangazo, imbuga nkoranyambaga za Ariel Ways zizajya zikoreshwa n’ikipe ishinzwe kumurereberera inyungu. Turashimira buri umwe wamweretse ko amwitayeho kandi umushyigikiye.”

Uku guterana amagambo kwa Juno na Ariel bari bawubanye, benshi ntibabifata kimwe, hari abavuga ko ari ikinamico barimo gukinira abakunzi babo.

Bivugwa ko mu minsi mike aba bombi buri umwe azasohora indirimbo ivuga kuri ibi bamazemo iminsi ndetse nyuma ngo bazongera basabane imbabazi bongere basubirane.

Click to comment

Leave a Reply

Your email address will not be published.

More in Entertainments